A Asociación de Empresarios Terra de Melide organiza un novo curso de Transporte de animais vivos e Benestar animal. Será do 4 ao 19 de novembro en horario de tarde, de 20.45 a 23.15 horas.
A formación terá lugar como de costume no local de Asetem e as persoas interesadas en inscribirse poden facelo a través do enderezo electrónico (info@asetem.com), ou chamando por teléfono (981 50 61 88), ata o vindeiro 25 de outubro.
Son un total de 40 horas distribuídas en dous módulos de 20 horas cada un. Un sobre o benestar animal para persoal de granxas e centros de concentración, matadoiros; e outro sobre benestar animal para condutores e coidadores de gando.
O curso está dirixido a transportistas, persoal de granxas en xeral, cazadores, etc.
