^{A directora xeral de comercio da Xunta de Galicia, Ana Rúa, participou na noite de onte nun encontro con comerciantes melidenses organizado pola Asociación de Empresarios Terra de Melide-Centro Comercial Aberto. Ana Rúa quixo achegar de primeira man aos comerciantes os principais trazos que se recollen no anteproxecto de Lei que lexislará o comercio de proximidade, e que podería aprobarse este mesmo ano.}

^{Ana Rúa abordou a lexislación referente aos horarios comerciais, e subliñou a importancia dos axentes asociativos coma ASETEM-CCA á hora de informar puntualmente aos comerciantes da normativa que opera.}

^{A directora xeral de comercio indicou que no anteproxecto está recollido un recurte do tempo de rebaixas, que pasará de 3 a 2 meses, e que inclúe a prohibición de ter, 30 días antes do período de rebaixas calquera iniciativa de promoción ou saldo, a excepción de se se trata de lanzamento de novos productos ou apertura de novos establecementos.}

^{Respecto ás grandes superficies, e á supervivencia dos pequenos comercios, Rúa explicou ata ónde pode dictaminar a dirección xeral, e lembrou o peso dos concellos na decisión final. Rúa lembrou que dende o seu departamento non hai nada en contra das grandes superficies, pero que hai que racionalizar os distintos formatos de comercio existentes para que poidan convivir; ademáis, engadiu que nun espazo coma Galicia, o impacto dunha grande superficie non se cingue só ao seu concello, senón que reprecute en municipios próximos.}